यूरेका फोर्ब्स लिमिटेड (ईएफएल) गोपनीयता नीति
प्रभावी तरीक : 31-12-2025
यूरेका फोर्ब्स लिमिटेड ("ईएफएल," "हम," "असें," जां "साढ़ी"), अस अपने ग्राहकें, कर्मचारियें, भागीदारें ते साढ़े उत्पादें, सेवाएं ते वैबसाइट कन्नै इंटरैक्ट करने आह् ले सभनें व्यक्तियें दी गोपनीयता ते निजी डेटा दी सुरक्षा आस्तै वचनबद्ध आं। एह् गोपनीयता नीति इस गल्लै गी रेखांकत करदी ऐ जे डिजिटल निजी डेटा संरक्षण अधिनियम, 2023 ("डीपीडीपी अधिनियम") ते एह्दे कन्नै सरबंधत नियमें ते विनियमें दे अनुपालन च अस तुंʼदे निजी डेटा गी कि'यां किट्ठा करने, बरतून करने, स्टोर करने, प्रकट करने ते सुरक्षत करने आं।
1. परिभाशां
अ) निजी डेटा: कुसै ऐसे माह् नू दे बारे च कोई बी डेटा जिसी इस चाल्ली दे डेटा आसेआ जां ओह्दे सरबंधै च पन्छान कीती जाई सकदी ऐ।
आ) डेटा प्रिंसिपल: ओह् व्यक्ति जेह्दे कन्नै निजी डेटा सरबंधत होंदा ऐ।
इ) डेटा न्यासी : कोई बी माह् नू जेह्ड़ा इक्कले जां होर दुए व्यक्तियें कन्नै मिलियै निजी डेटा दे प्रसंस्करण दे उद्देश ते साधनें गी निर्धारत करदा ऐ। (इस नीति च, ईएफएल डेटा न्यासी ऐ)।
ई) डेटा प्रोसेसर: कोई बी माह्नू जेह्ड़ा डेटा न्यासी दी बक्खी दा निजी डेटा संसाधित करदा ऐ।
उ) प्रसंस्करण: निजी डेटा पर कीते गेदे कोई बी ऑपरेशन जां संचालन दा सेट, भामें स्वचालित माध्यम कन्नै कीता गेआ होऐ जां नेईं, जि'यां किट्ठी, रिकार्डिंग, संगठन, संरचना, भंडारण, अनुकूलन, परिवर्तन, पुनर्प्राप्ति, सलाह-मशविरा, उपयोग, प्रसारण, प्रसार जां होर तरीके कन्नै प्रकटीकरण, संरेखण जां संयोजन, प्रतिबंध, मिटाने जां विनाश।
ऊ) रजामंदी: कोई बी शर्त, स्पश्ट पुष्टि ते सकारात्मक कार्रवाई, ते निर्दिश्ट उद्देश लेई अपने निजी डेटा दे प्रसंस्करण लेई इक समझौते गी दर्शांदा ऐ।
2. डेटा प्रोसेसिंग दे सिद्धांत
निजी डेटा गी संसाधित करदे समें ईएफएल हेठ लिखे सिद्धांतें दा पालन करदा ऐ:
अ) वैधता, निरपक्खता ते पारदर्शीता: निजी डेटा गी कनूनी तरीके कन्नै, निरपक्ख ते पारदर्शी तरीके कन्नै संसाधित कीता जंदा ऐ।
आ) उद्देश सीमा: निजी डेटा निर्दिश्ट, स्पश्ट ते वैध उद्देश्यें लेई किट्ठा कीता जंदा ऐ ते अग्गें इस तरीके कन्नै संसाधित नेईं कीता जंदा ऐ जेह् ड़ा उ'नें उद्देश्यें कन्नै बेमेल होऐ।
इ) डेटा गी घट्ट करना: किट्ठा कीता गेदा निजी डेटा पर्याप्त, प्रासंगिक ते उ'नें उद्देश्यें दे सरबंधै च जरूरी होने तक्कर सीमत होंदा ऐ जिं'दे लेई उ'नेंगी संसाधित कीता जंदा ऐ।
ई) सटीकता: निजी डेटा सटीक होंदा ऐ ते जित्थै जरूरी होंदा ऐ, अपडेट रक्खेआ जंदा ऐ।
उ) भंडारण सीमा: निजी डेटा गी इक ऐसे रूप च रक्खेआ जंदा ऐ जेह् ड़ा निजी डेटा गी संसाधित करने दे उद्देश्यें लेई जरूरत थमां मते समें लेई डेटा प्रिंसिपल्स दी पन्छान दी इजाजत दिंदा ऐ।
ऊ) अखंडता ते गोपनीयता: निजी डेटा गी इस चाल्ली संसाधित कीता जंदा ऐ जेह् ड़ा निजी डेटा दी मनासब सुरक्षा गी यकीनी बनांदा ऐ, जेह् दे च अनधिकृत जां गैर-कनूनी प्रसंस्करण थमां सुरक्षा ते उचत तकनीकी जां संगठनात्मक उपाएं दा इस्तेमाल करियै दुर्घटनावश होने आह् ले नुकसान, विनाश जां नुकसान थमां सुरक्षा शामल ऐ।
3. अस केह्ड़ा निजी डेटा किट्ठा करने आं?
अस बक्ख-बक्ख किस्में दे निजी डेटा किट्ठे करी सकने आं, जिं'दे च एह् शामल न:
अ) संपर्क जानकारी: नांऽ, पता, ईमेल पता, फोन नंबर।
आ) जनसांख्यिकीय जानकारी: उम्र, लिंग, जन्म तिथि।
इ) माली जानकारी: भुगतान दा ब्यौरा, बैंक खाता, वालेट दी जानकारी (लैन-देन लेई)।
ई) पन्छान दी जानकारी: सरकार आसेआ जारी आईडी (जि'यां आधार, पैन, पासपोर्ट) जित्थै कनून आसेआ जां खास सेवाएं लेई जरूरी होए।
उ) सेवा बरतून डेटा: तुस साढ़े उत्पादें ते सेवाएं दी बरतून कि'यां करदे ओ, इस बारे च जानकारी, जिस च वैबसाइट ब्राउज़िंग इतिहास, आईपी पता, डिवाइस दी जानकारी ते थाह् र डेटा शामल न।
ऊ) गाह् क सेवा इंटरैक्शन: साढ़े गाह् क सहायता कन्नै संचार दे रिकार्ड।
ऋ) रोजगार कन्नै सरबंधत आंकड़े: कर्मचारियें लेई, एह्दे च रोजगार इतिहास, योग्यता, प्रदर्शन समीक्षा ते एचआर कन्नै सरबंधत होर डेटा शामल न।
ऌ) मार्केटिंग ते संचार प्राथमिकताएं: साढ़े थमां मार्केटिंग संचार हासल करने लेई तुंʼदी प्राथमिकताएं।
4. अस तुंʼदा निजी डेटा किʼयां किट्ठा करचै?
अस बक्ख-बक्ख चैनलें राहें निजी डेटा किट्ठा करने आं, जिं'दे च शामल न:
अ) सिद्धे थुआढ़े पासेआ : जिसलै तुस साढ़े उत्पाद जां सेवां खरीददे ओ, तां साढ़ी वैबसाइट पर पंजीकरण करो, फार्म भरो, सर्वेक्षणें च हिस्सा लैओ जां साढ़े गाह् क सेवा कन्नै गल्ल-बात करो।
आ) साढ़ी वैबसाइट ते मोबाइल ऐपलीकेशनें दे माध्यम कन्नै: कुकीज़, वैब बीकन ते होर ट्रैकिंग तकनीकें दे माध्यम कन्नै।
इ) त्रिये-पक्ख स्रोतें थमां: तुंʼदी रजामंदी कन्नै, जां जित्थै कनूनी रूप कन्नै इजाज़त होऐ, भागीदारें, सार्वजनक डेटाबेस जां सोशल मीडिया प्लेटफार्में थमां।
ई) साढ़े कर्मचारियें ते एजेंटें दे माध्यम कन्नै: सेवा दौरे, बिक्री गल्ल-बात जां होर दुए सिद्धे जुड़ाव दे दौरान।
5. अस थुआढ़े निजी डेटा दी बरतून कि'यां करचै?
अस थुआढ़े निजी डेटा दा इस्तेमाल हेठ लिखे उद्देश्यें लेई करने आं:
अ) साढ़े उत्पादें ते सेवाएं गी प्रदान करने ते प्रबंधत करने लेई: ऑर्डर पूर्ति, वितरण, स्थापना, रख-रखाव ते गाह् क सहायता सनें ।
आ) भुगतान दी प्रक्रिया ते खातें दा प्रबंधन करना।
इ) तुंʼदे कन्नै गल्ल-बात करने लेई: तुंʼदे आदेशें, सेवाएं, अपडेट ते प्रचार प्रस्तावें दे बारे च (जित्थै तुसें रजामंदी दित्ती ऐ)।
ई) साढ़े उत्पादें, सेवाएं ते बरतूनकर्ता अनुभव गी बेह्तर बनाने लेई: डेटा विश्लेशण, अनुसंधान ते प्रतिक्रिया दे माध्यम कन्नै।
उ) मार्केटिंग ते प्रचार गतिविधियें लेई: तुंʼदी तरजीहें दे अधार पर तुसें गी प्रासंगिक प्रस्ताव, समाचार पत्तर ते नमें उत्पादें जां सेवाएं दे बारे च जानकारी भेजने लेई।
ऊ) कनूनी ते नियामक दायित्वें दा पालन करना: टैक्स, आडिट ते रिपोर्टिंग जरूरतें सनें ।
ऋ) अंदरूनी बपार संचालन लेई: जि 'यां मानव संसाधन प्रबंधन, लेखांकन ते जोखिम प्रबंधन।
ऌ) धोखाधड़ी, सुरक्षा उल्लंघनें ते होर केईं गैर-कनूनी गतिविधियें दा पता लाने ते रोकने लेई।
6. प्रक्रिया लेई वैध आधार
अस तुंʼदे निजी डेटा गी छड़ा उसलै गै संसाधित करगे जिसलै साढ़े कोल नेहा करने दा कोई कनूनी आधार होग, जिं'दे च शामल न:
अ) रजामंदी: जित्थै तुसें कुसै खास उद्देश लेई तुंʼदे निजी डेटा गी संसाधित करने लेई असेंगी स्पश्ट रजामंदी दित्ती ऐ।
आ) संविदात्मक जरूरत: जित्थै तुंʼदे कन्नै अनुबंध दे निष्पादन आस्तै प्रसंस्करण जरूरी ऐ जां करार करने थमां पैह् लें तुंʼदी विनती पर गैं चुक्कना जरूरी ऐ।
इ) कनूनी दायित्व: जित्थै कुसै कनूनी दायित्व दे अनुपालन लेई प्रसंस्करण जरूरी ऐ जिस दे अधीन ईएफएल ऐ।
ई) जायज़ हित: जित्थै ईएफएल जां कुसै त्रिये पक्ख आसेआ अपनाए गेदे जायज़ हितें दे उद्देश्यें लेई प्रसंस्करण जरूरी ऐ, सिवाय जित्थै इस चाल्ली दे हितें गी तुंʼदे हितें जां मौलिक अधिकारें ते स्वतंत्रताएं कन्नै खत्म कीता जंदा ऐ।
7. निजी डेटा दा प्रकटीकरण
अस तुंʼदी निजी जानकारी दे कन्नै सांझा करी सकने आं:
अ) साढ़े सैहयोगी ते समूह कंपनियां: अंदरूनी प्रशासनिक उद्देश्यें लेई ते एकीकृत सेवां प्रदान करने लेई।
आ) सेवा प्रदाता ते बपार भागीदार: जेह् ड़े साढ़ी बक्खी सेवां प्रदान करदे न (जिʼयां भुगतान प्रोसेसर, लॉजिस्टिक्स पार्टनर, आईटी सेवा प्रदाता, मार्केटिंग एजेंसी)। एह् त्रिये पक्ख अनुबंधात्मक रूप कन्नै तुंʼदे डेटा दी सुरक्षा करने ते छड़ा उ'नें उद्देश्यें लेई इस्तेमाल करने लेई बाध्य न जिं'दे लेई एह् प्रकट कीता गेआ हा।
इ) सरकारी प्राधिकरण ते नियामक: जिसलै कानून, अदालत दे आदेश जां कनूनी प्रक्रियाएं दा पालन करने दी लोड़ होंदी ऐ।
ई) जैदाद दे विलय, अधिग्रहण जां बिक्री दी स्थिति च: तुंʼदा निजी डेटा हासल करने आह् ली संस्था गी हस्तांतरित कीता जाई सकदा ऐ।
अस एह् जकीनी करगे जे कोई बी त्रिया पक्ख जेह्दे कन्नै अस तुंʼदा निजी डेटा सांझा करने आं, ओह् इस गोपनीयता नीति ते डीपीडीपी अधिनियम दे अनुरूप डेटा सुरक्षा दा स्तर प्रदान करग।
8. अंतर्राश्ट्री डेटा ट्रांसफर
थुआढ़े निजी डेटा गी भारत शा बाह् र कुसै गंतव्य पर स्थानांतरत ते स्टोर कीता जाई सकदा ऐ। जित्थै इस चाल्ली दे हस्तांतरण होंदे न, अस एह् जकीनी करगे जे डीपीडीपी अधिनियम दे अनुसार तुंʼदे निजी डेटा दी सुरक्षा लेई मनासब सुरक्षा उपाऽ होन।
9. डेटा सुरक्षा
अस तुंʼदे निजी डेटा गी अनधिकृत पुज्ज, बदलाऽ, प्रकटीकरण जां विनाश थमां बचाने आस्तै मजबूत तकनीकी ते संगठनात्मक उपाएं गी लागू करने आं। इनें उपाएं च शामल न:
अ) एन्क्रिप्शन: पारगमन च डेटा ते जित्थै मनासब होऐ उत्थै आराम लेई।
आ) अभिगम नियंत्रण: निजी डेटा तक्कर पौंह्च गी सिर्फ अधिकृत कर्मियें तक्कर सीमित करना।
इ) नियमित सुरक्षा आडिट: कमजोरियें दी पन्छान करने ते उंʼदा समाधान करने लेई।
ई) कर्मचारी प्रशिक्षण: डेटा सुरक्षा ते गोपनीयता दी सर्वोत्तम प्रथाएं पर।
उ) घटना प्रतिक्रिया योजना: कुसै बी संभावत डेटा उल्लंघनें गी फौरी तौर पर संबोधत करना।
10. डेटा प्रिंसिपल/ग्राहक दे रूप च तुंʼदे अधिकार
डीपीडीपी अधिनियम दे तैह् त, तुंʼदे कोल अपने निजी डेटा दे सरबंधै च हेठ लिखे अधिकार न:
अ) सूचना हासल करने दा अधिकार: तुसेंगी साढ़े थमां इस गल्लै दी पुश्टी हासल करने दा हक्क ऐ जे थुआढ़े कन्नै सरबंधत निजी डेटा गी संसाधित कीता जा'रदा ऐ जां नेईं, ते कु'त्थै ऐसा ऐ, निजी डेटा तगर पुज्ज।
आ) सुधार ते मिटाने दा अधिकार: तुसेंगी गलत जां गुमराह करने आह् ले निजी डेटा दे सुधार ते निजी डेटा गी मिटाने दी विनती करने दा हक्क ऐ जेह्ड़ा हून उस उद्देश लेई जरूरी नेईं ऐ जिस लेई इसगी किट्ठा कीता गेआ हा।
इ) शकैत निवारण दा अधिकार: तुसेंगी एह् अधिकार ऐ जे तुस अपनी शकैतें दा नबेड़ा साढ़े आसेआ करी सकदे ओ।
ई) नामज़द करने दा अधिकार: तुंʼदी मौत जां असमर्थता दी दशा च अपने अधिकारें दा इस्तेमाल करने लेई कुसै होर माह्नू गी नामज़द करने दा अधिकार ऐ।
इं'दे चा कुसै बी अधिकार दा इस्तेमाल करने लेई, कृपा करियै खʼल्ल दित्ते गेदे ब्योरे दा इस्तेमाल करियै साढ़े डेटा सुरक्षा अधिकारी कन्नै संपर्क करो। अस लागू कनून दे मताबक तुंʼदी विनती दा जवाब देगे।
11. डेटा प्रतिधारण
अस तुंʼदे निजी डेटा गी सिर्फ उसलै तक्कर बनाई रखगे जिसले तगर उ'नें उद्देश्यें गी पूरा करने लेई जरूरी होऐ जिं'दे लेई इसगी किट्ठा कीता गेआ हा, जेह् दे च कुसै बी कानूनी, लेखांकन जां रिपोर्टिंग जरूरतें गी पूरा करने दे उद्देश बी शामल न।
12. बच्चें दी निजता
साढ़े उत्पाद ते सेवां 18 ब'रें शा घट्ट बरेस दे लोकें लेई निर्देशत नेईं न। अस जानी-बुज्झियै मां-बब्ब दी रजामंदी दे बगैर बच्चें थमां निजी डेटा किट्ठा नेईं करदे आं। जेकर असेंगी पता लगदा ऐ जे असें उचित रजामंदी दे बगैर कुसै बच्चे थमां निजी डेटा किट्ठा कीता ऐ, तां अस इस चाल्ली दी जानकारी गी हटाने लेई गैं पुट्टगे।
13. इस गोपनीयता नीति च बदलाव
अस अपनी प्रथाएं जां कनूनी जरूरतें च बदलाऽ गी दर्शाने लेई समें-समें पर इस गोपनीयता नीति गी अपडेट करी सकने आं। अस अपनी वैबसाइट पर जां होर दुए उपयुक्त संचार चैनलें दे माध्यम कन्नै अपडेट कीती गेदी नीति गी पोस्ट करियै कुसै बी समग्गरी बदलाऽ दे बारे च तुसें गी सूचत करगे। अस तुसेंगी समें-समें पर इस गोपनीयता नीति दी समीक्षा करने लेई प्रोत्साहत करने आं।
14. साढ़े कन्नै संपर्क करो
जेकर तुंʼदे कोल इस गोपनीयता नीति जां साढ़ी डेटा सुरक्षा प्रथाएं दे बारे च कोई सुआल न, जां जेकर तुस अपने अधिकारें दा इस्तेमाल करना चांह् दे ओ, तां कृपा करियै साढ़े डेटा सुरक्षा अधिकारी कन्नै संपर्क करो:
डेटा सुरक्षा अधिकारी: यूरेका फोर्ब्स लिमिटेड
dpo@eurekaforbes.com
B1/B2, 701, 7मीं मंजिल, मैराथन इनोवा,
ऑफ गणपतराव कदम मार्ग,
लोअर परेल (पच्छम), मुंबई,
महाराश्ट्र – 400013
________________________________________
________________________________________
